Esta entrada también está disponible en: Aragonés Català Español Français English
2023
25 de setiembre: Día Europeu d’o Esporte Escolar
Día dedicau a divertir-se, a chugar chuntos, ta promover l’autividat fisica y a salut ta toz y totas. Ye l’evento de mayor impauto en o marco d’a Semana Europea d’o Esporte.
5 d’octubre: Día Mundial d’os Dozens
Enlazada dende: Día Internazional d’a Educazión (24 de chinero)
A Unesco y a Organizazión Internazional d”o Treballo dezidioron rendir omenache en ista calendata a una d’as profesions más valiosas dentro de cualsequier soziedat: a enseñanza. Os y as dozens tienen o deber y a pasión de formar a las chenerazions futuras y asinas guarenziar o desembolique d’os países.
20 de noviembre: Día Universal d’o Nino
Ye un día de zelebrazión por os abanzes conseguius, pero sobre tot ye un día ta clamar l’atenzión sobre a situazión d’os ninos más desfavorezius, dar a conoxer os dreitos d’a infanzia y conzenziar a las personas d’a importanzia de treballar día a día por o suyo bienestar y desembolique.
6 d’aviento: Día d’a Constituzión Española
A Constituzión de 1978, aprebada por os españols en referendum zelebrau o 6 d’aviento, dentró en vigor o 29 d’aviento d’ixe mesmo año. Se redautó a partir d’as negoziazions y alcuerdos entre os diferens partius politicos con representazión parlamentaria y ye a que riche a vida politica y sozial en España.
11 d’aviento: Día Internazional d’as Montañas
As montañas auespan o 15% d’a poblazión mundial y aproximadamén a metat de la reserva d’a diversidat biolochica d’o mundo. Amás, suministran augua dulza ta más d’a metat d’a umanidat. A suya conservazión resulta clau, como espezifica l’Obchetivo 15 d”os ODS. Manimenos, se troban menazadas por o cambio climatico y a sobreexplotazión. A mida que as cheleras de montaña se derriten, os abitadors d’as alturas —entre os más pobres d’o mundo— afruentan mayors dificultaz ta sobrevivir a causa d’as esferras naturals.
A tot ixo cal sumar o feito que dito derretimiento a una velozidat sin prezedens menaza o suministro d’augua dulza de millons de personas. Iste problema ye cosa de toz. Ye por ixo que aigamos de reduzir o siñal de carbono y cudiar iste tresoro natural.
Iste creixén intrés sobre a importanzia d’as montañas levó a l’Asambleya Cheneral a declarar 2002 como Año Internazional d’as Montañas, factor que empentó que, en 2003, se zelebrase o primer Día Internazional.
12 d’aviento: Escubrimiento d’una supernova dende de l’Observatorio Astronomico de Javalambre
Un equipo de zientificos liderau por o Zentro d”Estudios de Física d’o Cosmos d”Aragón (CEFCA) descubrió o 12 d’aviento de 2021 una supernova localizada en a galaxia IIHz4, situada a uns 600 millons d’años luz d’a Tierra. L’obcheto estió detectau con o telescopio JAST80 de l’Observatorio Astrofísico de Javalambre (OAJ), dentro d’o proyeuto J-VAR, cual obchetivo ye a detezión y carauterizazión d’obchetos y fenomenos variables en l’Universo. A supernova, designada internamén por l’equipo zientifico como JVAR21a, ha estau cuaternada por a Unión Astronomica Internazional (IAU) como AT 2021aggv.
18 d’aviento: Día Internazional d’as Personas Migrans
Os movimientos de poblazión son o resultau d’esferras, crisis economicas y situazions de pobreza extrema u conflicto, cual magnitut y frecuenzia no dixan d’aumentar. En 2020, i eba uns 281 millons migrans internazionals, o que corresponde a lo 3,6 % d’a poblazión mundial.
Toz istos fautors tendrán repercusions de calau en as carauteristicas y l’alcanz d’a migrazión en o futuro, y determinarán as estratechias y politicas que os países abrán d’implementar ta aproveitar o potenzial d’a migrazión, sin dixar de costau a protezión d’os dreitos umanos fundamentals d’as personas migrans.
2024
6 de chinero: Día dedicau a lo Dreito aragonés
- Dreito foral introduzión | A identidat d’Aragón
- Biblioteca Virtual de dreito Aragonés
- Decreto lechislativo 1/2011, de 22 de marzo, d’o Gubierno d’Aragón, por o cual s’apreba, con o títol de “Codigo d’o Dreito Foral d’Aragón”, o Testo refundido d’as Leis Zivils aragonesas:
O dreito aragonés, con una gran carga istorica y d’identidat, regla uei día cuestiones tan importans en a vida cutiana como a capazidat ta logar, as relazions entre progenitores y deszendens, a mayoría d’edat zivil, o rechimen economico d’un matrimonio, o rechimen de suzesions, etz.
11 de febrero: Día Internazional d’a Nina y a Muller en a Zenzia
En os zaguers dezenios, a comunidat internazional ha feito un gran esfuerzo ta inspirar y promover a partizipazión d’as mullers y as ninas en a zenzia. Manimenos, as mullers siguen trobando obstaclos ta desembolicar-se en ixe campo.
Con a finalidat d’adubir l’azeso y a partizipazión plena y equitativa en a zenzia ta las mullers y as ninas, y amás ta adubir a igualdat de chenero y l’empoderamiento d’as mullers y as ninas, l’Asambleya Cheneral d”as Nazions Unidas dezidió proclamar en 2016 l’11 de febrero como o Día Internazional d’a Muller y a Nina en a Zenzia.
A igualdat entre os cheneros y l’empoderamiento d’as mullers y as ninas contribuyirán dezisivamén no nomás a lo desembolique economico d’o mundo, sique tamién a lo progreso respeutive a toz os obchetivos y metas de l”Achenda 2030 ta lo Desembolique Sostenible.
7 d’abril: Día Mundial d’a Salut
Día Mundial d’a salut 2022 | OMS
A OMS calcula que, cada año, se produzen más de 13 millons de defunzions debidas a causas ambientals evitables, sin ir más luen, a la crisi climatica, que ye a mayor menaza ta la salut a la cuala s’enfrontina a umanidat.
As nuestras dezisions politicas, sozials y comerzials son afavorindo a crisi climatica y sanitaria. Más d’o 90% d’as personas alientan un aire insalubre que ye consecuenzia d’a crema de combustibles fósils. A causa d’o calentamiento d’o planeta, os mosquins propagan as enfermedaz más luen y más rapido que dinantes. Os fenomenos meteorolochicos estremos, a degradazión d’o suelo y a escasez d’augua son desplazando a las personas y afeutando a la suya salut. A contaminazión y os plasticos plegan dica o fundo d’os nuestros ozianos más profundos, d’as montañas más altas, y s’han ubierto paso en a nuestra cadena alimentaria. Os sistemas de fabricazión d’alimentos y bebidas mui transformaus y poco saludables son empentando una onda d’obesidat, aumentando o canzer y as enfermedaz cardiacas, a o mesmo tiempo que cheneran un terzío d’as emisions mundials de gases d’efeuto ibernadero.
1 de mayo: Día Internazional d’os Treballadors
L’1 de mayo ha de marcar a fin d’a violenzia y l’enresto en o treballo | Human Rights Watch
Ista calendata ye dende finals d”o sieglo XIX a chornada de commemorazión d’o movimiento obrero mundial, utilizada ta reyalizar diferens reivindicazions sozials y laborals a favor d’as clases treballaderas y, por estensión, d’a inmensa mayoría d’a soziedat. En ista reclamazión d’os dreitos d’os treballadors se demandan millors condizions laborals y s’exiche a los gubiernos a vichilanzia y potenziamiento d’ixos dreitos y una lechislazión que los reconoxca.