{"id":2399,"date":"2022-11-10T11:37:00","date_gmt":"2022-11-10T10:37:00","guid":{"rendered":"https:\/\/agendaescolar.lenguasdearagon.org\/?p=2399"},"modified":"2022-09-20T17:53:39","modified_gmt":"2022-09-20T15:53:39","slug":"dia-mundial-da-zenzia-ta-la-paz-y-o-desembolique","status":"publish","type":"post","link":"https:\/\/agendaescolar.lenguasdearagon.org\/an\/dia-mundial-da-zenzia-ta-la-paz-y-o-desembolique\/","title":{"rendered":"D\u00eda Mundial d’a Zenzia ta la Paz y o Desembolique"},"content":{"rendered":"\n
\n

LETROSOS CONTRA TERRAPLANISTAS<\/h2>\n\n\n\n

No me van a zenzia y no entiendo as mates. No ye o m\u00edo rollo. A yo me va escribir, lo m\u00edo ye a luenga, os idiomas. A m\u00eda millor amiga se me ride y me clama letrosa, porque a palabra se pareixe a leprosa, debe estar bella cosa asinas como que me falta un troz de zelebro que m’ha caito. <\/p>\n\n\n\n

Bueno, vale, o que siga, pero para qu\u00e9 me sirve a yo lo de as ecuazions, as buscas y ixos co\u00f1azos? Se paga con ixo en o supermercau? Me van a dar un treballo millor por entender ixo? Ni de broma, porque yo quiero estar instagrammer<\/em> y para ixo no fan falta as mates ni os rollos zientificos.<\/p>\n\n\n\n

Lo unico ta lo que se m’ocurre que podr\u00eda molar a zenzia ye ta refetar a los terraplanistas. Qu\u00e9 divertiu. Has visto o tuit ixe que corre por ast\u00ed? S\u00ed, s\u00ed, ixe que diz:<\/p>\n\n\n\n

\u201cA la fin un grupo terraplanista chileno! Luego seremos millons arredol d’o globo ????\u201d<\/p>\n\n\n\n

Me muero d’a risa. Pero no piensas que a tierra ye plana? Alavez, no ye un globo, no puede aber chen arredol!<\/p>\n\n\n\n

Contando-te isto soi descubrindo que mola un poquet, no? Tiene o suyo punto entender o mundo, saber c\u00f3mo funziona y o porqu\u00e9 d’as cosas. Asinas ye m\u00e1s difizil que m’enga\u00f1en. Asinas cuan bel\u00fan me diga que a tierra ye plana, que o cambio climatico no esiste u que os animals no sienten, podr\u00e9 dezir-les que esisten prebas en caso contrario y podr\u00e9 argumentar-lo. Uello, que voi a ganar toz os debates!<\/p>\n\n\n\n

\"<\/figure>\n\n\n\n

Venga, voi a chitar un gollada m\u00e1s abaixo a lo d\u00eda Mundial d’a Zenzia ta la Paz y o Desembolique, que creigo que me ye prenzipiando a picar a curiosidat zientifica.<\/p>\n<\/div>\n\n\n\n

Descripzi\u00f3n<\/strong><\/h4>\n\n\n\n

Cada a\u00f1o, o D\u00eda Mundial d’a Zenzia ta la Paz y o Desembolique promueve que os ziudadans sigan informaus sobre os abanzes zientificos, creyando soziedaz m\u00e1s sostenibles, a o mesmo tiempo que afavoreix a comprensi\u00f3n sobre a frachilidat d’o planeta en o cual vivimos. Iste D\u00eda ofrexe a oportunidat de mobilizar a toz os actors arredol d’un tema tan vital como este.<\/p>\n\n\n\n

A zenzia aduya a lo progreso d’as soziedaz. Ixo ye indudable. Ye a ferramienta con a cuala conta o ser umano ta comprender o mundo que le rodeya y ta aplicar ixas conoixenzias en o suyo benefizio. Os abanzes zientificos nos permiten trobar soluzions a os nuevos desaf\u00edos economicos, sozials y medioambientals con os cuals construyir un futuro sostenible. A investigazi\u00f3n zientifica tiene, am\u00e1s, un papel en a construzi\u00f3n d’a paz en fomentar a cooperazi\u00f3n internazional ta alcanzar o desembolique sostenible.<\/p>\n\n\n\n

M\u00e1s informazi\u00f3n:<\/strong><\/h4>\n\n\n\n
\"<\/a>
Pachina web de Nazions Unidas<\/a><\/figcaption><\/figure>\n\n\n\n

Os obchetivos y contenius d’ista propuesta pueden estar relazionaus con os vinculaus a o D\u00eda Internazional d’a Nina y a Muller en a Zenzia<\/a> (11 de febrero) y o D\u00eda Mundial d’a Salut<\/a>. (7 d’abril). Tami\u00e9n lo relazionamos con una interes\u00e1n conisi\u00f3n aragonesa: Escubrimiento d’una supernova dende de l’Observatorio Astronomico de Javalambre (12 d’aviento).<\/p>\n\n\n\n

En Arag\u00f3n<\/strong><\/h4>\n\n\n\n

Aqu\u00ed, como en muitos atros puestos, se zelebra con espezial intensidat o D\u00eda d’a Muller y a Nina en a Zenzia (11 de febrero). Gubierno d’Arag\u00f3n, Universidat de Zaragoza, conzellos… levan a cabo amplias achendas d’autividaz (esposizions, mesas retunas, tallers y sesions didauticas). Aduya a abanzar en o camino por a igualdat d’oportunidaz y a trencar prechudizios.<\/p>\n\n\n\n

<\/p>\n\n\n\n

Un detalle<\/strong><\/h5>\n\n\n\n

Iste D\u00eda tiene o suyo orichen en a Conferenzia Mundial sobre a Zenzia, que se zelebr\u00f3 en Budapest en 1999, baixo l’auspizio d’a Unesco y o Consello Internazional ta la Zenzia (CIC). Am\u00e1s, ubre a Semana Internazional d’a Zenzia y a Paz, que se zelebraba dende 1986 (A\u00f1o Internazional d’a Paz).<\/p>\n\n\n\n

Dende a suya proclamazi\u00f3n por a Unesco en 2001, o D\u00eda Mundial d’a Zenzia ta la Paz y o Desembolique ha chenerau muitos proyeutos, programas y fondos concretos ta la zenzia en tot o mundo. O D\u00eda tami\u00e9n ha contribuyiu a fomentar a cooperazi\u00f3n entre zientificos que viven en rechions marcadas por conflictos, como por exemplo a creyazi\u00f3n d’a Organizazi\u00f3n d’a Zenzia Israel\u00ed-Palestina (IPSO), apoyada por a Unesco.<\/p>\n\n\n\n

<\/p>\n\n\n\n

Cualques reflesions<\/strong><\/h5>\n\n\n\n

O proposito d’ista chornada ye renovar o compromiso, tanto a libel nazional como internazional, en favor d’a zenzia ta la paz y o desembolique, y fer fincapiet en l’uso responsable d’a zenzia ta lo benefizio d’as soziedaz, en particular, ta la erradicazi\u00f3n d’a pobreza.<\/p>\n\n\n\n

O D\u00eda Mundial tami\u00e9n tiene por obcheto adubir una mayor conzienziazi\u00f3n en a opini\u00f3n publica sobre a importanzia d’a zenzia y encaramullar a breca exist\u00e9n entre a zenzia y a soziedat. Ye una oportunidat ta reafirmar cada a\u00f1o a voluntat d’alcanzar os obchetivos proclamaus en a Declarazi\u00f3n sobre a Zenzia y l’Uso d’o Saber Zientifico:<\/p>\n\n\n\n