{"id":2390,"date":"2022-12-10T12:00:01","date_gmt":"2022-12-10T11:00:01","guid":{"rendered":"https:\/\/agendaescolar.lenguasdearagon.org\/?p=2390"},"modified":"2023-05-22T11:47:43","modified_gmt":"2023-05-22T09:47:43","slug":"dia-dos-dreitos-umanos","status":"publish","type":"post","link":"https:\/\/agendaescolar.lenguasdearagon.org\/an\/dia-dos-dreitos-umanos\/","title":{"rendered":"D\u00eda d’os Dreitos Umanos"},"content":{"rendered":"\n
\n

S.O.S.<\/h2>\n\n\n\n

Zelda 13 d’a Nueva Gayola Hiperteunolochica de Megaseguridad de Zuera, a\u00f1o 2027.<\/p>\n\n\n\n

Umano de l’a\u00f1o 2022. T’escribo dende a m\u00eda zelda de l’a\u00f1o 2027 porque mait\u00edn me van a matar.
Ayer un alienichena s’infiltr\u00f3 en as nuestras filas y ha desmantelau a zaguera sezi\u00f3n autiva d’a resistenzia. Uei, as doze personas que yeranos reunidas parando o nuestro sigui\u00e9n plan ta derrocar a lo gubierno alienichena imos a estar sozmetidas a la pena de muerte. No i hai abiu garra chuizio, deng\u00fan ha abiu de presentar garra preba. Ha bastau con a sospeita que parabanos bella cosa que iba en cuentra d’os intreses d’o gubierno.<\/p>\n\n\n\n

He conseguiu colar-me en o sistema de comunicazions intertemporales con l’aduya d’un guarda d’a prisi\u00f3n que, en a uembra, tami\u00e9n luita por recuperar os dreitos umanos tresbatius. O risgo ye enorme, pero ya no tiengo pon que perder. Tu yes a zaguera asperanza que me queda, umano d’aviento de 2022. Tu has d’intentar evitar as errors que nusatros cometiemos.
Cuan pleguen os fardachos verdes enormes, anque tos digan que vienen en son de paz ta estudiar o planeta, no les creigaz. No son aqu\u00ed ta fer turismo ni investigando os planetas azuls: quieren invadir-nos.<\/p>\n\n\n\n

Cuan le pregunten a la umanidat qu\u00e9 son os Dreitos Umanos Universals, deziz-les que son o vuestro credo, deziz-les que son vinculans y que han de si\u00f1ar-los y azeutar-los. Deziz-les que, si no los respetan, no pueden dentrar en a Tierra y, si lo fan, se les chuzgar\u00e1 deb\u00e1n d’o Trebunal Intergal\u00e1ctico.
Nusatros no les diemos importanzia. Agora no somos libres, ni tenemos os mesmos dreitos que os alienichenas. Els nos controlan. Si no yes un cuco verde con coda de fardacho, no puez tener una propiedat, no tiens dreito a la educazi\u00f3n y no yes libre. Somos esclaus d’os fardachos. Dende fa 5 a\u00f1os, nos matan a treballar, nos utilizan como quieren y, si nos negamos, nos torturan dica que azeutamos a suya voluntat.<\/p>\n\n\n\n

Queriu umano de l’a\u00f1o 2022. No ignores istas letras. Si han plegau dica tu, busca a Pepe Garc\u00eda, en l’a\u00f1o 2026 ser\u00e1 o chefe d’a resistenzia. Di-le o que va a pasar. Di-le que a clau ye en a Declarazi\u00f3n d’os Dreitos Umanos. Di-le que, o d\u00eda que le pregunten, ha de meter-se firme, dezir que no azeutar\u00e1 garra colaborazi\u00f3n que no los guarenzie. En caso contrario, a umanidat ser\u00e1 esclavizada en 5 a\u00f1os y probablem\u00e9n s’extinguir\u00e1 en 7.<\/p>\n\n\n\n

\"<\/figure>\n\n\n\n

Conf\u00edo en tu, umano d’o 2022, a Tierra y a umanidat, son agora en as tuyas manos.<\/p>\n<\/div>\n\n\n\n

Descripzi\u00f3n<\/strong><\/h4>\n\n\n\n

O 10 d’aviento de 1948, l’Asambleya Cheneral d’as Nazions Unidas adopt\u00f3 a Declarazi\u00f3n Universal de Dreitos Umanos. Un documento que proclama os dreitos inalienables que corresponden a tota persona, independienm\u00e9n d’a suya raza, color, relichi\u00f3n, sexo, idioma, opini\u00f3n politica u d’unatra mena, orichen nazional u sozial, posizi\u00f3n economica, naixenzia u cualsequier atra condizi\u00f3n.<\/p>\n\n\n\n

As constituzions d’os estaus de dreito y os codigos por os cuals se richen as nuestras soziedaz son basaus en istos prenzipios. Pero ixo no ye sufizi\u00e9n: as menazas y os ataques a los Dreitos Umanos son una realidat deb\u00e1n d’a cuala no podemos quedar-nos de brazos cruzaus. Iste d\u00eda ha de servir-nos ta recordar que a dignidat umana ye bella cosa innegoziable y que no admite condizions. Os Dreitos Umanos son una conquiesta, pero as conquiestas han d’estar mantenidas y ye nuestro aber de cusirar y evitar a vulnerazi\u00f3n d’ixos dreitos. En o d\u00eda a d\u00eda, en o nuestro entorno m\u00e1s cutiano… toz y totas somos importans.<\/p>\n\n\n\n

\"<\/figure>\n\n\n\n

M\u00e1s informazi\u00f3n<\/strong><\/h4>\n\n\n\n