{"id":2354,"date":"2023-03-01T12:00:51","date_gmt":"2023-03-01T11:00:51","guid":{"rendered":"https:\/\/agendaescolar.lenguasdearagon.org\/?p=2354"},"modified":"2023-05-22T11:53:27","modified_gmt":"2023-05-22T09:53:27","slug":"dia-da-zero-discriminazion","status":"publish","type":"post","link":"https:\/\/agendaescolar.lenguasdearagon.org\/an\/dia-da-zero-discriminazion\/","title":{"rendered":"D\u00eda d’a Zero Discriminazi\u00f3n"},"content":{"rendered":"\n
\n

NO YE FAZIL ESTAR VERDE<\/h2>\n\n\n\n

Soi un can verde. Que s\u00ed, que s\u00ed. Soi can y soi verde. Soi un husky siberiano verde. En cuenta de tener ixe pelache blanco y negro tipico d’os huskies, o m\u00edo ye verde. No l’he triau yo, no me tinto ni pon. Ye solo que naxi\u00e9 asinas sin yo poder fer pon a lo respeuto. U siga, que soi un can verde.
Normalm\u00e9n, tot o mundo adora a los cans como yo: grans, fuertes, autivos, proteutors d’a ramada. De no estar que sigas verde. Si yes verde, a tot o mundo le da igual que sigas gran, suave, o m\u00e1s fuerte, o m\u00e1s autivo y que protechas a la ramada como nunca deng\u00fan eba protechiu nunca a la tuya familia porque, deb\u00e1n de tot, yes verda.
Lo s\u00e9 porque l’he viviu en os m\u00edos perrunas carnes. Una familia m’adopt\u00f3 fa uns a\u00f1os y intent\u00e9 estar o millor can d’o mundo: o m\u00e1s leyal, o millor amigo de toz y presto a tot por aduyar a cualsequier familiar d’o zagal que m’adopt\u00f3. Pero cuan a suya lola me veyi\u00f3, tot o m\u00edo esfuerzo le dio completam\u00e9n igual: \u201cPero c\u00f3mo vas a protecher tu a la m\u00eda familia? No veyes que yes verde?\u201d.
Y teneba raz\u00f3n. Si m’ese dito que yera mal can, abr\u00eda puesto rebatir-lo. Le abr\u00eda dito que sigo o credo d’o can a lo piet d’a letra y que nunca se m’ha conoxiu por dixar a la m\u00eda ramada desprotechida. Pero no dizi\u00f3 ixo, dizi\u00f3 que yera verde, y deb\u00e1n d’ixe feito irrefutable, no sabi\u00e9 qu\u00e9 dezir. Asinas que abi\u00e9 d’ir-me d’aquella casa.
Si m’esen saliu as palabras, m’abr\u00eda cuacau dezir-le que, anque siga verda, soi tan can como cualsequier unatro, rolde, ladro, me curruco en o sof\u00e1 y fat\u00edo igual que cualsequiera. O verde nom\u00e1s ye una color que, por motivos allenos a lo m\u00edo control, ha acabau en o m\u00edo pelache.
M’abr\u00eda encantau dezir, pero cuan veigo ixa fito-fito de fastio y sospresa desimulaus que me meten a vezes, me gosa ocurrir que me quedo sin palabras. Qu\u00e9 les soltar\u00edas tu? Les dir\u00edas que intentasen dixar de mirar-te o pelache y precurasen conoxer-te? Cuesta muito convenzer-los porque se nos ha mostrau a toz que un can verde ye una cosa rara, a que has sentiu a esprisi\u00f3n? Yes m\u00e1s raro que un can verde. Si l’has sentiu tota a vida, ye normal pensar-lo, no?<\/p>\n\n\n\n

\"<\/figure>\n\n\n\n

Pero qu\u00e9 pasa si yes un can verde? Que te poses fatal, una autentica piltrafa que no se merexe o respeto de no deng\u00fan, ixo ye o que plegas a pensar cuan lo unico que veyen de tu ye que yes verde, u amariello, u negro, u musulm\u00e1n, u homosexual u pobre. No conta ta cosa que siamos buens cans? U buenos umanos?<\/p>\n<\/div>\n\n\n\n

Descripzi\u00f3n<\/strong><\/h4>\n\n\n\n

Dende 2014, se zelebra en ista calendata o dreito de totas as personas a vivir una vida plena y productiva con dignidat. O D\u00eda d’a Zero Discriminazi\u00f3n pretende fomentar a inclusi\u00f3n, a solidaridat y a paz y, sobre tot, aduyar a chenerar cambios que faigan posible una soziedat m\u00e1s sostenible.<\/p>\n\n\n\n

O dreito a la no discriminazi\u00f3n implica que totas as personas reziban un trato digno: que se respete a suya autonom\u00eda, privazidat y confidenzialidat, y que se les guarenzie l’ausenzia de coazi\u00f3n y abuso en igualdat de condizions.<\/p>\n\n\n\n

Con a vista mesa en a defensa d’os dreitos umanos y as libertaz fundamentals, se fa espezial fincapiet en a dignidat de totas as personas independienm\u00e9n d’as suyas opzions afeutivas y sexuals y d’a suya identidat de chenero. Ye una chornada empentada dende o Programa Conchunto d’as Nazions Unidas sobre o VIH\/SIDA, ONUSIDA (UNAIDS en as suyas siglas en angl\u00e9s).<\/p>\n\n\n\n

\"<\/figure>\n\n\n\n
M\u00e1s informazi\u00f3n<\/h5>\n\n\n\n